شبكة ومنتديات البرسي الفضل
شبكة ومنتديات البرسي الفضل ترحب بكم
هذا الصندوق ليس للإزعاج، بل هو للترحيب بكم
فإن كان يزعجكم أضغط على (إخفاء)
وإن كان يهمكم أمر المنتدى فيسعدنا إنضمامكم
بالضغط على (التسجيل)، تظهر بيانات التسجيل البسيطة وننتظر مشاركتكم

نبشركم بإنطلاق منظمة البرسي الفضل الخيرية - تحت شعار "نلتقي لنرتقي"



www.barsi.sudanforums.net
 
الرئيسيةاليوميةبحـثالتسجيلدخول
إنطلاق "منظمة دميرة للتمنية" بالبرسي الفضل والمنطقة .. نرجو من الجميع الدعم والمساندة
البرسي الفضل"أرض العلم والمعرفة" على ضفاف النيل الأزرق حيث الخضرة والجمال، تقع البرسي شمال شرق مدينة سنار بالسودان على بعد 36 كيلومتر تقريباً من سنار، وتقع بالقرب من ود العباس.

تعتبر البرسي منارة دينية وعلمية وثقافية، مجتمع القرية مجتمع مترابط ومتواصل
التعليم في البرسي الفضل : أول مدرسة أُسست في القرية عام 1918م التي كانت رافداً تعليمياً وحيداً في منطقة النيل الأزرق الممتدة من الدمازين إلى رفاعة، ثم تأسست مدرسة للبنات عام 1959م، وتوجد بالبرسي الآن جميع المراحل الدراسية.
كان لوصول الكهرباء الي المنطقة في العام 1985 اثرا كبيراً في تغير الحياة في المنطقة من سنار حتى البرسي مرورا بعدد من القرى التي استفادت منها مما ساعد علي انتشار العلم الذي أسهم في تيسير أمور الناس عامة
المرافق الصحية والثقافية: يوجد بالبرسي مستشفي الشهيد وهو مستشفي مجهز بالوسائل والمعدات وكذلك الكوادر الطبية، إلى جانب نادي البرسي الرياضي الثقافي الاجتماعي. وبها مشروع زراعي حيوي وهو مشروع البرسي جادين الزراعي
المسافة بين البرسي والخرطوم حوالي ٢٨٦ كيلو متر جنوبا تقريبا، ويتم السفر اليها بعدة طرق منها عبور النيل الأزرق ببنطون ود الحداد، أو عبور كبري سنار الجديد ، او عبر خزان سنار .. ويجري العمل الان في طريق الأسفلت سنار - ود العباس - البرسي
جميع المقالات و المشاركات و الآراء المنشورة في المنتدى لا تعبر بالضرورة عن رأي إدارة المنتدى و انما تعبر عن رأي كاتبيها فقط، أو نقلاً من مصادر إخبارية مختلفة، وليس للمنتدى أي مسؤولية إعلامية أو أدبية أو قانونية تجاه المادة أو المحتوى الذى تتضمنه هذه المقالات
إدارة المنتدى تُرحب بكم في منتداكم وتتمنى تسجيلكم ومساهمتكم في إثراء صفحاته، ويشرفنا أن ينضم إلينا كل من يود الإنضمام بعيداً عن الحدود الجغرافية
بشرى سارة،،، بشرى سارة،،، بشرى سارة ،،، مرحباً بجميع الزوار يمكنكم المشاركة و الكتابة في جميع أقسام المنتدى دون التسجيل وهذه دعوة للجميع
تستطيع معرفة خطوات التسجيل فى منتديات البرسي الفضل من خلال دخولك للمنتدى العام، كما يمكن للأعضاء المتصلين الإستمتاع بخدمة الدردشة الجماعية
تسجيلك في المنتدى ومساهماتك بالموضوعات تعني إتاحة المجال للأعضاء للإستفادة من قدراتك مهما كان حجمها، كما تعنى الإستفادة من خدمات المنتدى المتنوعة
لدينا عدد مقدر من المشرفيين المتواجدين حسب مناطقهم ويرصدون أخبار المنطقة وإرسالها أول بأول عبر الايميل للأعضاء المسجلين، وأيضاً إرسال نشرات ثقافية وإجتماعية ودينية وغيرها، لذا عليكم بالاسراع بالتسجيل
أيضاً يُمكن التواصل مع إدارة المنتدى من خلال البريد الإلكترونيbarssigroup@yahoo.com

شاطر | 
 

 صبح باب التكل مسدود كمل حتى الملح في البيت .. أكثر من رائعة

اذهب الى الأسفل 
كاتب الموضوعرسالة
يوسف أحمد
زائر
avatar


مُساهمةموضوع: صبح باب التكل مسدود كمل حتى الملح في البيت .. أكثر من رائعة   الأحد 09 نوفمبر 2014, 8:34 pm

قصيدة :أقول ليكم
الشاعر :هاشم صديق 

----------------------------
أقول ليكم كلام إنسان بعز نبته وبحب شعبو
أقول ليكم شرف الكلمة الأمة للحاكم وللداير 
صلاح ارضو ومعنا الوعي في الفكر البقود 
ضالينا لي دربو
وعشان أشرح واقول الدايرو لي نبته ولي ناسا 
بذكركم بي ظلم الكهنة يا أهلي 
بدور الناس تكون حاسه 
تقيس أفعال بالتفكير وما تتبع مهاوي العادة والكهان
تفرق بين عبادة النجم وبين الخشية والإيمان
رفعت مخدة في بيتنا 
لقيتك خليتي لي بسمة
فتحت عيوني في الذاكرة
طار بجناحو صوت همسه 
قتحت كتاب طلع من وسطو نور بصماتك الخمسة
سمعت موسيقى حسيتك 
تقول تاوقتي لي هسى
هاك فنجان حنان قهوة 
ومن إيديك أشيل إلفة كبابي الشاي 
إزغرت فيني صوت الناي 
وأقول ليك الغرام جرسة
أقول ليك القاب بكاي
ملامحك والصباح والبن
وضحكاتك تدوبي معاي
أبشر فينا بوخ الشاي
وأعاين ليك راسي يزن
وقافية حنينة فيني ترن
واغيب في الحضرة وأتلبش
واخاف من جني بيك أجن 
واذا ضاقت عليك الدنيا 
ألاقي الدنيا ضاقت بي
ونتماسك تطلعي من شجن ذاتك وأطلع من شجن جلدي
نعاين للوطن والناس 
نذاكر في هموم شعبي
أميل بي ريدي في كتفك تميلي عليهو فى كتفي
ونتشابك تقول نيلين
وتضحكي ليا في السكة
تضحك غمزة في الخدين 
وأتشهد من المنظر
اقول يا روحي حني علي
أنا الشاعر اجيب ليك الشعر من وين










هديمك يا وليد مقدود
وصابحنا الفقر والجوع 
صبح جلد البطن مشدود
شن بتسو وخيك من شهر مرفود
قالو صالح عام عشان قال العوج في العود
حمد يا رب 
أخير من قول هديك البغلة في الابريك
اكان ودوهو بيت اشباح وكان دقاهو زول هلفوت
هديمك يا ولد مقدود وصابحنا الفقر والجوع
صبح باب التكل مسدود
كمل حتى الملح في البيت
وشن هم الملح في البيت مدام ملح الدموع موجود
دحين ا وليد وديل ممو وقالو ناس "إنجاز"
وشن سوولنا مما جونا غير حرقو الفضل بالجاز
كل شيةً صعب في السوق من الكبريتة للطايوق
وكان جانا البخت تموين
رطيل سكر وصابونتين نجيب من وين 
واخوك مرفود وعدمان الشهر مليم
امس زازيت اكوس الدين
مشيت لي سمية بت مأمون
لقيت جابولها تلفزيون سمح كبير
تشوف الصورة بي كم لوم
وكت في نشرة الاخبار 
ظهر مك البلد يضحك جضومو كبار
ومزموم الكرش بزرار
ولا مهموم ولا زعلان
وشيهو يراري بالألوان
وقد في حشاي طباق نار 
طريت رفد الوليد والجوع
وسال دمع الغبينة الحار
أريتك يا ملك فد يوم يخلي الجوع عينيك ما تنوم
أريتك يا ملك فد يوم تحس بي قصة المظلوم
دحين اوليد هم ديل مالم ومال الدين وكت قولم كلام الله
وفعالم ما فعال صالحين
كتير فيهم عديل حُقار وبالقرآن كمان تجار 
وكضابين أكان بنزين عدم او جاز وتـِعْبوُا الناس وضاقوا خلاااص
صفوف واقفين أقولولك إرادة الله
وكان صعب الرخيص والغالي في التموين أقوللولك دا غضب الله
وكان الموية صبحت طين اقوللولك دا من أمريكا والعملا
حمونا الشب ولاد الكلب
عشان الشعب يحرن تب واقبل من صراط الدين
وديل مالم ومال الدين 
اكان كنزوا الدهب والمال 
بلايينم تسوي جبال وعرباتم تختف العين
وبنيانم قصور في قصور
وحات الله وكتاب الله
اكان ادونا طوب فد سور
كنا بنينا الف اويضة
لي مسكين
فترنا من الخُطــَب يا وليــــــــــــــــــد
ومن طـَيش العقيد وعميـــــــــــــــــد 
ومن قلّ القِرش في الإيد
ومن تـَعَب الوقوف في الصَفْ
ومن غـُبْن الرَصِع بالكـَفْ 
ومن حُفـَر الدُروب واللفْ
ومن خـَتّ الحِلِم في الرّفْ 
كل يوماً نقيحنا يزيد
دحين يا وليد هو كم دُغشاً عشان نلقاهو دافِرنا وتِعِبنا شدييييد؟ 
وكم حولاً صيامنا صَبَر عشان يشرق هلال العيد!!؟؟؟
أ ح ح ح يا وليد لا حتى الخبيز إنضاق ولا هِدماً كـَسَانا جديد 
وشوف المَغـَسة يا وليدي سَمّوُا شقانا "صالِح عام" 
وكل دمعاً نزل من عين وكل جوعاً سَكـَت َبالدَين
وكل زَيناً محاهو الشين 
ختـّوا وقعيتو في الإسلام 
حرامـُم يا وليدي حلال وانحنا حلالنا كـُلـّو حرام
يقِلبوا الدِين نصُل سِكـّين
وناسين الحِسَاب قِدّام 
آخر زمن يا وليد نشوف كل البشاتِن
لون يفوت هولاكو دوبْ نِرتاح
ينـُط في الكـُرسي نابليون
أريتك يا أمير حالي جـِعّيص في الكرسي في الخرتوم
وساويلك ألِف والي نبايعك للظلم والجوع نبايعك وكلُّ ضيم
مشروع نبايعك وجيتنا جيش ودروع نبايعك 
و الحُكـُم مقلوع نبايعك والقـَسَم مخدوع
نبايعَك مِنْ سِجـِن عالي آخر زمن
يا وليد حَصيف العين يلاقي ويشوف زمان ظـُلم السلف بالسيف
وحسّه السيف كلاشينكوف غير زمن الهوان
والجوع كمان طالع زمان الخوف ديل ما برتو لي إنسان
كم ولداً وقـَع نشفان وكم زهراً كِتِل واتحتَّ في رمضان
لا شهراً حرام إتصانْ
لا كفـَناً سَتـَر صِبيان 
لا شاهد قبُر معروف لا أمّاً بَرَدْ نارها سَكـَتْ وإرتاحْ
نزيف الجوف دحين يا وليد أكان حسع ده ديش مُصعب 
وأكان بيرق علي الكرّار منو الكفار!!؟؟؟ 
منو القاصدينـّو بالتكبير وبالتهليل وضرب النار؟
* * أخاف نحنا وأكان نحنا أخير نضحك كتير سبب الضِحِك بختهُ
شوف المَغـَسة يا وليدي ديل ما حسّه ناس حُقـّار؟ 
ده زى دقّ الطبول للموت وزي وَقـْد البَلـَد بالنار 
* * إلاّ نشوف أكان ساهرين معاك يا جوع وأكان ضِيقـْنا 
اتـْحَفـَر في ضلوع وأكان صابرين علي الفُجّار
وحاة الله وكتاب الله وكِتْ نغلي ونكوس التار
لا سُوراً بقيف في وشْ لا لهَب الغـُبـُنْ بـِتـْرَش
ولا صفـّاً يميل بالقـَش 
كل ظالماً يقع وينـْدَش 
وسيل دمع البلد ينقـَشْ 
لا بحبس حَلِقنا الخوف ولا بنرجع
أكان لعلعْ كلاشينكوف 
هديمك يا وليد مقدود وصابحنا الفقر والجوع 
صبح جـِلد البطـُن مشدود 
شِن بـِتـْسَوْ وخيـّك من شهر مرفود 
قالوا صالح عام عشان قال العِوَج في العُود
* * نان ما يقول أريت يقول عديل يا زول
هديك البغلة في الإبريق 
ما هامّينا -صالح عام- 
وديش مُصعب ولا الحجّاج 
ولا بـِكْتـُل قلبُنا الجوع وموت مُنقذن
الرجوع الى أعلى الصفحة اذهب الى الأسفل
 
صبح باب التكل مسدود كمل حتى الملح في البيت .. أكثر من رائعة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة ومنتديات البرسي الفضل :: أقسام المنتدى :: المنتدى الثقافي-
انتقل الى: